Hann er umdeildur, eftirsóttur og sveipaður kitlandi leynd sem allar konur þrá að svipta hulunni af. G – bletturinn hefur verið deiluefni vísindamanna í hartnær sextíu ár og eftir allan þennan tíma er svæðið enn til rannsóknar. Allar konur hafa heyrt um hann; sumar segjast þekkja svæðið af eigin raun meðan aðrar hafa einungis heyrt hans getið af afspurn.
Svo vinsæll er hann og eftirsóttur að sjálf Oprah Winfrey hefur tekið hann til umfjöllunar í þáttum sínum. Forviða vinkonur hvísla gjarna feimnislega um hann yfir kaffibolla, drekkhlaðnar hillur forboðinna unaðsverslanna svigna undan leikföngum sem eru hönnuð með það eitt í huga að gæla við blettinn og vart er til sá fullorðni karlmaður, sem ekki hefur einhverju sinni lesið sér í laumi til um staðsetningu hans í þeirri von að verða fær um að veita ástkonu sinni unað sem hún mun aldrei gleyma.
Smá líffræði: Hvar er hann staðsettur?
Gräfenberg bletturinn, eins sexí og raunverulegt nafn hans nú hljómar, er baunlaga svæði á fremri vegg innri kynfæra kvenna sem nær frá 2 – 7 cm frá leggangaopinu. Þær rannsóknir sem styðja tilvist unaðssvæðisins hafa sýnt fram á að G – bletturinn er gerður úr sama vef og snípurinn og sumir ganga svo langt að segja G – blettinn eins konar framlengingu á snípnum.
G – bletturinn sjálfur liggur vel varinn undir þéttum veggnum og þarf beina örvun; þéttar, taktfastar hreyfingar og stöðugan þrýsting þar sem hann er staðsettur u.þ.b. 1 cm undir yfirborði legganganna. Þó engar tvær konur séu eins að gerð og lögun, ber þeim konum sem þekkja eigin G-blett saman um að bein örvun á G – blett feli í sér dýpri og öflugri fullnægingu en hægt er að framkalla með beinni örvun á sníp eingöngu.
Skemmtilegi hlutinn: Hvernig get ég örvað hann?
Flestum ber saman um að ákveðnar samfarastellingar séu fullmikil einföldun á þeirri örvun sem G – bletturinn þarfnast til að konan nái því unaðslega hámarki sem fullnæging af þessari gerð felur í sér. Endurtekin vonbrigði geta skotið upp kollinum þegar hástemmd loforð verða að engu við iðkanir fjölbreytilegra kynlífsleikja og ég hef í ófá skiptin heyrt vinkonur mínar andvarpa sáran og segja „Ég held að það sé eitthvað að mér. Ég finn ekki G – blettinn."
Til allrar hamingju hefur hugarflug þeirra sem hanna unaðsleikföng fyrir pör tekið stórstígum framförum í takt við aukna þekkingu nútímans. Í dag eru til fjölbreytileg leikföng sem eru hönnuð með það eitt í huga að gæla við G – blettinn og ber þar hæst hinn margverðlaunaða We – Vibe titrara, sem fór algera sigurför um heiminn árið 2009. Þetta örsmáa tæki, sem er U laga að gerð, var valið leikfang ársins á síðasta ári og ekki að ástæðulausu.
Athyglisvert: Hvernig virkar leikfangið?
Leikfangið, sem er forvitnilegt að lögun, er hannað til noktunar meðan á samförum stendur og er smeygt inn í leggöng konunnar áður en atlotin hefjast. Öðrum enda þess er ætlað að þrýsta á G – blettinn í takt við taktfastar hreyfingar karlmannsins meðan sá hluti sem vísar út, örvar og þrýstir á snípinn við atlotin. Sleipiefni er lykilatriði við notkun We – Vibe og skyldi alltaf hafa við hendina, meira að segja meðan á forleik stendur.
En We – Vibe ertir ekki einungis. Þetta örsmáa U – laga undraleikfang er framleitt úr silkimjúku silikonefni sem er hættulaust að snerta. Tækið er þráðlaust og það titrar. Sjö taktstillingar og tvær hraðastillingar gera að verkum að hægt er að stýra örvun. Litla undratækið er stöðugt, hægt að nota í öllum hugsanlegum stellingum og kemur þægilega á óvart að sögn þeirra þúsunda kvenna sem hafa, eftir langa og stranga leit, loks flett ofan af kvenlegri leynd Gräfenberg blettsins og þannig rekið vísindamenn um víða veröld á gat.